Siz sadəcə çəkmirsiniz, sanki bir bina inşa edirsiniz – rəqəmsal olsa da, real bir struktur yaradırsınız. Plan dəyişdikdə kəsiklər və fasadlar avtomatik yenilənir ki, bu da BIM texnologiyasının təməl prinsipidir. Böyük layihələrdə komanda ilə çalışarkən Revit-siz iş prosesini təsəvvür etmək çətindir. Dünya artıq bu istiqamətdə irəliləyir, Azərbaycanın da bu keçidi etməsi qaçılmazdır.

Revit-in əsl üstünlüyü fərdi deyil, kollektiv iş zamanı üzə çıxır. Memar, konstruktor və mexanika mühəndisi eyni model üzərində paralel çalışır; bir mütəxəssisin etdiyi dəyişiklik digərlərinin işində dərhal öz əksini tapır. İrihəcmli layihələrdə bu cür koordinasiya həftələrlə vaxta qənaət etmək deməkdir. Təsadüfi deyil ki, beynəlxalq şirkətlər artıq Revit biliyi olmayan mütəxəssislərlə əməkdaşlıq etmir.