İnteryer Dizayn xidməti

Məkanı dəyişmək estetika ilə başlamır. Düzgün ölçü, düzgün plan, düzgün konstruktiv qərar -  bunlar olmadan ən gözəl dizayn da qısa ömürlüdür.

Mən interyer dizayna memar gözüylə yanaşıram. Estetik həll mühəndis məntiqiylə birləşəndə nəticə fərqli olur - həm görünüşdə, həm istifadədə, həm də uzunömürlülükdə.

Niyə memar yanaşması fərq yaradır:

• Yanlış material seçimi və tikinti səhvlərinin qarşısı əvvəldən alınır - düzəltmək həmişə bahadır

• Layihə Azərbaycan Respublikasının tikinti normalarına (AzDTN) uyğun aparılır - gələcəkdə sənədləşmə problemi olmur

• Konstruktiv elementlərə - daşıyıcı divarlar, sütunlar, döşəmə sistemi - toxunulmur; yalnız bölücü divarlar və qeyri-daşıyıcı elementlər üzərində iş aparılır

• Beynəlxalq erqonomika meyarları tətbiq edilir

Layihələndirmə mərhələləri:

1. İlkin görüş və brifing Məkanı, ehtiyaclarınızı və gözləntilərinizi anlamaq üçün görüşürük. Büdcə çərçivəsi, üslub istiqaməti və iş müddəti müəyyənləşdirilir.

2. Sahəyə çıxış və ölçü götürmə Məkana yerində gəlib dəqiq ölçülər götürülür. Mövcud vəziyyət - divarlar, qapı-pəncərə açıqları, kommunikasiya xətləri, konstruktiv elementlər - tam sənədləşdirilir.

3. Texniki planlama və erqonomika Götürülmüş ölçülər əsasında məkanın dəqiq cizgiləri hazırlanır. Bölücü divarların yenidənqurma planı tərtib edilir, mebellər erqonomik qaydalara uyğun yerləşdirilir.

4. Konsept və vizuallaşdırma Məkanın üslubunu, rəng palitrasını müəyyənləşdiririk. Moodboard hazırlanır. 3D vizuallaşdırma ilə iş başlamazdan əvvəl son nəticəni görürsünüz.

5. İşçi sənədlər Usta briqadasının dəqiq işləməsi üçün tam mühəndis sənəd paketi hazırlanır - elektrik və işıqlandırma planı, santexnika, havalandırma və istilik sistemləri, tavan, döşəmə və mebel açılışları.

6. Müəllif nəzarəti Tikinti prosesində yerində iştirak edirəm. Cizgilərin icrası, materialların uyğunluğu, yaranan texniki suallar - hamısı nəzarət altındadır.

Üslub seçimi:

Azərbaycanda ən çox tətbiq edilən üslublar əsasında məkanınızın xarakterini sizin zövqünüzə uyğun formalaşdırırıq:

Minimalizm - Azərbaycanda müasir şəhər mənzillərinin ən çox seçdiyi üslub. Az element, dəqiq detallar, boş fəzanın şüurlu istifadəsi. Rəng palitrasında neytral tonlar - ağ, bej, açıq boz üstünlük təşkil edir. Hər əşyanın öz funksiyası var, dekorativ artıqlıq yoxdur.

Neoklassika - Bakının premium yaşayış və kommersiya məkanlarında ən çox rast gəlinən üslub. Klassik proporsiyalar, lüks materiallar — mərmərvari üzlüklər, zərif çərçivələr, simmetrik kompozisiyalar — müasir texniki həllərlə birləşdirilir. Təmtəraqlı, lakin nizamlı görünüş.

Müasir (Contemporary) - Minimalizmdən daha isti, klassikdən daha sadə. Təbii materiallar - ağac, daş, metal - birlikdə işlədilir. Formlarda yumşaq xətlər, funksionallıq ön planda. Geniş auditoriyaya uyğun, universal üslub.

Loft - Açıq fəza, yüksək tavanlar, sənaye elementləri - açıq beton, kərpic, metal konstruksiyalar. Bakıda xüsusilə kommersiya məkanlarında - kafe, ofis, yaradıcı studiyalarda - populyarlığı artır. Yaşayış məkanlarında isə loft elementlərini müasir üslubla birləşdirən hibrid versiya daha çox tətbiq edilir.

Skandinaviya - Təbii işıq, açıq rənglər, ağac materiallar və sadə formalar. Funksionallıq və rahatlıq birinci yerdədir. Xüsusilə ailə mənzillərində sevilən üslub - həm praktik, həm estetikdir.

Bunlardan əlavə - Boho, Art Deco, Wabi-Sabi, Japandi, Industrial, Eklektik və digər üslublar da tələbə uyğun tətbiq edilir. Üslub seçimi həmişə sizin həyat tərzinizə, məkanın texniki imkanlarına və büdcəyə uyğun müzakirə edilir.

Gözəllik vacibdir. Amma düzgün memarlıq həlli layihənizin dəyərini illərlə qoruyur. İkisi birlikdə olduqda - nəticə həm estetik, həm təhlükəsiz, həm də qanuni əsaslı olur.